Teka

teka

sino ka? 

saan ka ba nangggaling 

at hanggang ditoy umabot ka

sa kabilang isla?

seryoso ka ba?

oh sya, alam kong sa paglalakbay mo pabalik ay malayo pa

kaya pumarito ka muna

hayaan mong ipakilala kita

sa bayan kong maharlika

7,100 ang mga isla kaya naman

halos 300 daang taon lang rin naman kami nasakop ng mga kastila

nakakasilaw raw kasi yung Kristyanismong dala nila

Pagkatapos, mayroon nanaman kaming panibagong bisita

Amerika raw yung pangalan

hindi ko malaman kung kaaway o kaibigan

pero edukasyon at kahalagahan ng wika ang dala nila

Nagliyab ang dugo ng mga Pilipino

marami ang lumaban, marami rin ang namatay

at ang buwis na kanilang inalay ay nananatiling buhay

kaya naman silay nagtagumpay

at unti unti 

napaalis rin namin sila 

Pulo-pulo, hiwa-hiwalay nahati sa marami 

Ngunit nanatiling iisa

rumami ang dayalekto , may tagalog, ilocano mayroon ding bicolano

pati rin sa paniniwala ng tao, may sumasamba sa anito, may islam pati nga Kristyanismo at marami pa dito

Pero, isa lang ang sigurado

na ang laban ng kahapon ay aral ngayon sa bawat Pilipino 

Teka 

Paalis kana?

Mahaba pa sana ang aking kwento

kulang pa ang sampung libro

para maibahagi kong buo sayo

Kaya may isang bagay lang akong gustong sabihin sayo

na kung gaano kahirap ang pinagdaan ng Pilipinas

ay ganoon rin kaganda ang kulturang mayroon ito

hindi lahat mabibilang ng kamay

hindi lahat makikita ng mata

hindi lahat mababahagi mo sa iba

hindi lahat 

kaya naman hanggat 

may kultura ka pa na nabibilang sa iyong kamay

kulturang nakikita ng iyong mata

kulturang mababahagi mo sa iba

sana alagaan mona

bago pa mahuli ang lahat.

teka

sino ka ba?

saang isla ka ba nagmula.

"Same poem that I submitted on my previous college unit Philippine Popular Culture."