Kung Sakaling Magkaroon ako ng Ilang Minuto at Walang Ginagawa

-
              

Kung sakaling magkakaroon man ako ng ilang minuto na walang ginagawa
mas pipiliin ko na lamang na humilata 
kaysa sumulat ng dagli o tula

sino ba kasing hindi mananawa
sa mga linyang "isa, dalawa, tatlo.."
o sa mga "naala mo pa ba.."

ayoko na sa mga istoryang
nagmahal, nasaktan, nagparebound
sawa na ako sa romansa

gusto ko yung konektado sa siyensya
yung tipong maisisingit ko lahat ng elemento 
mula Hydrogen hanggang Oganesson 
sayang naman kasi ang pagkabisa kung bago pa ako makapagtapos limot ko na

gusto ko rin yung may matematika
yung may tamang bilang at pagsukat
kung ilang kilometro meron sa limang milya
kung ano ang elebasyon ng bundok na ngayon ay buhangin sa manila
ilang lagok meron sa isang litro ng RC cola
at kung saan napunta ang 15 bilyong biglang nawala

tagahanga rin ako ng komedya 
uulit ulitin hanggang sa hindi na nakakatawa
madalas may part 1 at part 2 pa
may GCQ, MECQ na ngayo'y NCR Bubble na

gusto ko rin nang may tungkol sa kasaysayan
hindi ko trip alamin kung ilan naging babae ni Rizal
siguro kung ilan na lamang ang nasawi
at sinabing nanlaban

nais ko rin sumulat patungkol sa buhay at pangarap
sa noo'y tinukoy na huwag kang sumama sa kanila wala kang mapapala
ay sila pang masaya sa kanilang ginagawa
sa dismayado kung anong wala nila ngayon
at sa positibo kung paano sila magkakaroon
sa lumalaban para mabuhay
at naghahanap buhay para lumaban.

kaya ayokong tumutula
hindi ko alam kung keso o umay na ang tugma

mabuti na lamang
at mas pipiliin kong magpahinga tumunganga.
hindi ko sasayangin ang ilang minuto ko
sa pagsulat ng tula.


"Kung sakaling magkakaroon man ako ng ilang minuto na walang ginagawa."


Comments

Post a Comment

Popular posts from this blog

Sa Babaeng Itinakda ng Diyos Para sa Akin

-
Image
Sa babeng aking mamahalin,                           Kasalukuyan kong inihahanda at ipinagbubuti aking sarili. Kaya naman huwag kang magalala kung marunong ba akong maglaba o magkula ng damit.Kailanman ay hindi ko pagsasamain ang dekolor at ang mga puti. Magaling din akong magsukat ng sinaing o magsangag ng hindi naubos na kanin. Kung nais mo naman ng masarsang ulam, kaya kitang ipaghain ng adobo basta't habaan mo lamang ang iyong pasensya dahil sa youtube lamang ako natuto.                         Hindi ko alam kung kailan ka darating o makikilala subalit kung ito nga'y plano Niya, alam kong ito'y sa tamang oras at panahon. Sana lamang rin ay tama ang outfit ko at hindi ako mukhang dugyutin sa oras na iyon. Wala naman akong inaasahang lugar. Hindi ka rin naman siguro galing sa ibang planeta kaya't sa mundong ibabaw parin tayo magkikita. Ngayon pa lamang ay ikinagagalak ko na ang makilala ka at makita ka ng aking mga sulat.                         Marami rin
Read more

I am

-
Image
 People often see me as cheerful, soft-hearted, and stupid/ somehow ignorant (maybe I truly am).  I would say I am not. I am a very serious person. I am arrogant. I am stupid in a way that I am perfectionist that I ask multiple questions most of the time repeatedly to build my trust to any subject.  I set boundaries. I am brutally honest person. I have difficulties to say no sometimes but if I do, it won't be unapologetic. I love being misunderstood. I sometimes forget who I am and writings like this makes me remind me of who I am and what I wanted to be.
Read more

Uuwi ka pa rin nang magisa.

-
Image
Kahit gaano ka pa kasaya. Sa trabaho o eskwela. Kahit gaano ka pa kaaga pumasok O kung gaano na kagabi sa kalsada Uuwi ka pa rin nang magisa. May problemang hindi mo maibahagi sa iba Ni hindi mo gustong makita ng iba na nahihirapan ka Dahil nais mo lamang na makita nila  Ang iyong ngiti o tawa Nais mong makilala bilang masaya Bilang malakas At kahanga hanga Wala ng iba  Kalakip man nito Ang madalas ay wala kang makasama Madalas ay wala kang makatuwang O ang ang hindi ka maintindihan ng iba Kakayanin mo pa rin Hindi ba? Hindi mo kailangan ng awa Ang kailangan mo ay kasama Kaya sa buong araw At pagkakataon na ikaw ay makikibahagi Sa kakilala o kaibigan Sa trabaho o organisasying ki abibilangan Magsasalitan ng tawanan Hanggang sa tumungtong ang kwatro ng hapon Lalabas nang sama sama Maghihiwalay sa kanya kanyang kanto o sakayan At uuwi ka nanaman nang magisa.
Read more